CHOO CHOO (已結業)

話說今日小弟同女友人行暈晒成個長沙灣，發現呢頭好多整車鋪， 無咩食肆都係酒樓多。 但後黎比我地發現左呢間名為Choo Choo既西餐廳， 佢開正係堆車房既隔離， 其實真係唔多顯眼...但勝在鋪仔細細入面既主題裝橫好特別。 佢牆上一路播住d火車窗外既景色既片，令人感覺到好似坐係火車入面一路欣賞風景一路進餐.真係幾過癮好舒服....咁今晚就同女友人叫左個是日南瓜湯，黑松露海鹽蘆筍，泰式軟殼蟹墨汁麵，同西班牙黑毛豬梅扒. d食物的的骰骰賣相好靚, 你可能會覺得佢份量小，但食落其實又岩岩好. 個是日南瓜湯好creamy幾清淡,個黑松露海鹽蘆筍好濃味好香,個泰式軟殼蟹墨汁麵就幾入味個軟殼蟹炸得好鬆化,最後個西班牙黑毛豬梅扒好重油香口感一流. overall黎講位置雖然有d偏僻但值得入去坐下火車食下野遠離繁囂