漢堡王 (已結業)

呢間出左個火辣華堡，辣度仲要分三級。唔知係唔係咁辣既呢？一於試下啦，估唔到放飯時間，呢間舖都唔係太多人。好容易就搵到位既。火辣華堡牛肉依然有炭香味，呢個正正係佢地既特色。而個汁就小小辣啦，但都幾好味既。配料好新鮮，洋蔥新鮮到好脆口。真係好好味架。洋蔥圈雖然要加錢，但真係好好食。新鮮炸既洋蔥圈，粉又唔會太多，好正。嫩雞柳真係好嫩，但雞件好有肉汁，好juicy。可樂飄雪即係可樂新地，雖然好普通。但都好好飲，唔會剩係得可樂咁單調。個餐係貴既，但味道真係唔錯。可以一試。