影片
更多
2021-07-19
1998 瀏覽
好耐之前係銅鑼灣食過呢間日式料理八沢嘅烏冬覺得都幾好食，原來佢而家已經發展到有幾間分店喇，係筲箕灣、杏花村同將軍澳都有。今次嚟到筲箕灣東大街呢間分店，呢度嘅店員好好人，我哋係赤柱出到嚟已經9點幾🤣準備10點關舖都俾我哋快食，仲要食埋shabu shabu🤪雖然時間有啲趕，不過整體味道都唔錯，除咗shabu shabu仲有唔少串燒、烏冬同小食等，幾多元化。呢度落單可以scan QR code，好方便。壽喜燒牛肉鍋呢度嘅shabu shabu有幾款口味可以選擇，呢個壽喜燒version份量都幾多，除咗本身係個鍋嘅牛肉之外仲額外有一碟牛，湯底調味剛好唔會好鹹，牛肉都算腍質素ok。黑松露忌廉海鮮烏冬黑松露味好香但唔會太搶，湯底creamy，烏冬質感彈牙，入面有唔少三文魚粒，整體幾好食😋牛油金菇包好juicy，帶點蒜蓉香味。雞翼、雞腎、雞軟骨三款都唔錯，調味剛好唔會太鹹，燒得香口，不過其中一串雞腎有少少唔熟。鹽燒白鱔白鱔燒得剛好，質感彈牙唔腥。厚切牛舌呢款都唔錯，鹹鹹香香好惹味，厚度剛好，口感彈牙😗黑豚生蠔燒呢款就一般般，豚肉比較肥，而且入面嘅生蠔唔係非常新鮮所以有啲啲腥味。人均消費：$200推
壽喜燒牛肉鍋
呢度嘅shabu shabu有幾款口味可以選擇，呢個壽喜燒version份量都幾多，除咗本身係個鍋嘅牛肉之外仲額外有一碟牛，湯底調味剛好唔會好鹹，牛肉都算腍質素ok。
黑松露忌廉海鮮烏冬
黑松露味好香但唔會太搶，湯底creamy，烏冬質感彈牙，入面有唔少三文魚粒，整體幾好食😋
牛油金菇包
好juicy，帶點蒜蓉香味。
雞翼、雞腎、雞軟骨
三款都唔錯，調味剛好唔會太鹹，燒得香口，不過其中一串雞腎有少少唔熟。
鹽燒白鱔
白鱔燒得剛好，質感彈牙唔腥。
厚切牛舌
呢款都唔錯，鹹鹹香香好惹味，厚度剛好，口感彈牙😗
黑豚生蠔燒
呢款就一般般，豚肉比較肥，而且入面嘅生蠔唔係非常新鮮所以有啲啲腥味。
人均消費：$200
推介指數（10分為滿分）：8分
張貼
