影片
更多
2023-04-07
1222 瀏覽
表弟仔開始放復活節假, 放工又帶佢食好野, 發育期嘅佢真係食極唔夠, 帶佢食放題就最好不過。選址創興廣場其中一間火鍋任飲任食放題, 入座起限時兩小時, 價錢仲要係二百蚊有找!! 絕對抵過自己買料返屋企打邊爐。餐廳環境開揚, 全卡位座位坐得舒服, 自助區設於餐廳中央, 擺放了醬料區、多款火鍋配料, 例如丸類、蔬菜、牛柏葉、鵝腸、芝士腸、香腸等等….而且refill得好密。飲品方面同樣款式多, 罐裝汽水、果汁、烏龍茶、啤酒、紙包飲品等….8選2湯底 (另有素食湯底), 由於睇過下其他食評, 批價呢度嘅湯底淡如水, 最後決定揀最重口味嘅兩款: 海底撈麻辣鍋 併 臭臭鍋臭臭鍋湯底本身為小辣, 但完全唔覺辣, 連小朋友都可以食到, 濃度剛好。海底撈麻辣鍋 就較為香辣, 而且refill湯底亦有waiter協助加返對應麻辣湯底, 所以唔會調稀辣度。而其他湯底就自行refill清湯。首張可以經order form落單, 期後掃QR code落單, 主要都係肉類同海鮮由waiter送上, 而且都上得幾快同齊。肉類方面分別有三款牛、兩款豬、羊肉片,均為薄切, 稍為焯幾秒就食得, 質素都對得住價錢, 雖為
餐廳環境開揚, 全卡位座位坐得舒服,
自助區設於餐廳中央, 擺放了醬料區、多款火鍋配料, 例如丸類、蔬菜、牛柏葉、鵝腸、芝士腸、香腸等等….而且refill得好密。
飲品方面同樣款式多, 罐裝汽水、果汁、烏龍茶、啤酒、紙包飲品等….
8選2湯底 (另有素食湯底), 由於睇過下其他食評, 批價呢度嘅湯底淡如水, 最後決定揀最重口味嘅兩款: 海底撈麻辣鍋 併 臭臭鍋
臭臭鍋湯底本身為小辣, 但完全唔覺辣, 連小朋友都可以食到, 濃度剛好。
海底撈麻辣鍋 就較為香辣, 而且refill湯底亦有waiter協助加返對應麻辣湯底, 所以唔會調稀辣度。而其他湯底就自行refill清湯。
首張可以經order form落單, 期後掃QR code落單, 主要都係肉類同海鮮由waiter送上, 而且都上得幾快同齊。
肉類方面分別有三款牛、兩款豬、羊肉片,
均為薄切, 稍為焯幾秒就食得, 質素都對得住價錢, 雖為薄切, 但點多幾碟, 同樣可以食得飽兼回本。
海鮮方面有蝦、脆肉鯇、蜆、魚頭、青口,
蝦幾爽甜, 肉質唔係煤爛果隻; 蜆大大粒, 蜆肉飽滿; 青口大大隻。
自助區嘅火鍋配料中,
牛柏葉、鵝腸、麻吉丸值得encore!
甜品就有雪糕、雪條同埋小糕點, 不過雪糕質地雪得太硬, 要有耐性刮先刮到。
張貼
