喜迎館 (已結業)

疫情期間深居簡出，難得揾到間既好味又清静嘅食市。麻辣水煮魚夠麻又夠辣，鯛魚肉片爽脆彈牙，豆卜有咬口，滑牛厚切夠肉味。設自助醬料吧，自助時菜吧，各款蔬菜及不同款式麵食任君選擇。每位只要二百幾蚊任添任食任飲两小時(其實坐到打烊先走🤭)。敬送两隻大閘蟹，蟹公好新鮮，食齊黃膏白膏。店員招呼殷勤，常常主動添湯，換碟。閨蜜難得出來餐聚，食齊麻辣火煱，雞煲及大閘蟹，一次過滿足3個願望。門外有咪錶泊車，行繞道十分鐘就到中環。