鋒哥廚房 (已結業)

今日黎試任食火鍋，火鍋唔係咁簡單，係有任食羊腩煲，雞煲，食夠先再任食火鍋，真係超爽！任食既羊腩煲舊舊羊都好大，羊腩味濃，非常肥美，肉嫩皮厚，啖啖肉，其他配料好似馬蹄支竹呢啲都好入味，冬天食完真係暖笠笠呀😚而火鍋任食既配料都好多，安格斯牛頸脊同豚肉呢啲唔同既肉類都好新鮮，色澤鮮明，肉味濃郁，肉質又好；其他粟米雜菌呢啲都係好新鮮，好清甜；而海鮮亦同樣夠晒新鮮，款式又多，最中意佢地既沙白蜆，大隻又唔會有沙，勁鮮甜😙食飽飽仲有甜品，雪糕都係任食，仲要係dryers既雪糕，夠晒扔本，供應源源不絕，唔怕唔夠食呀😗