組長日式放題 (已結業)

我家M佬真係樣樣好，但無主見係佢嘅最大缺點。佢話無主見係因為佢就我喎，由得我話事，所以佢先無所謂。講到咁sweet真係成個人融晒！如果你嘅另一半都係無乜主見，放題就最啱佢！今日我哋就去到銅鑼灣京都廣場嘅組長日式放題，有放題又有火鍋，正！店內掛滿紅同白嘅日式燈籠，好有日本feel。而且座位唔多，空間感十足，坐得都算舒服。點菜紙分別有刺身、壽司、火炙壽司、卷物、軍艦、沙律、鐵板燒、天婦羅、爐端燒、一品料理同刷刷鍋等，仲可以加$38 upgrade點埋“極上”菜單。飲品自取，除咗罐裝凍品，仲有自家玄米茶同柚子蜜。而自助吧枱仲有花膠元貝水蟹粥同粟米魚肚羹，等嘢食嘅時候，都可以有啲嘢咬吓。北海道海膽花膠鍋好豐富呀！有帆立貝、蝦、青口、墨魚仔、花膠、鮑魚仔同海膽，仲有大量蔬菜、金菇、豆腐等等。不過味道就淡咗啲。黃金焗蠔上面混入粟米粒、煙肉同薯蓉，味道香濃，不過蠔肉就相對較細，好彩蠔味搭夠。焗扇貝香噴噴！熱辣辣！半溶嘅芝士入面有粟米粒同煙肉粒，味道鮮香，味道唔錯。汁燒一口牛一口牛唔會over cooked，肉質嫩滑，索晒啲汁，味道好濃郁。安格斯牛柳牛味香濃，好大塊，好嫩，估唔到放題質素都咁高。串燒五