北斗翁頂尊火鍋料理 (已結業)

天氣涼涼地,就梗係火鍋啦.細數城中霸氣火鍋店之一,北斗翁應該佔了一席.我鐘意去呢個寶號既原因係因為食材夠新鮮!不過我到依家都攪唔清北斗翁同不倒翁有咩分別.係利舞臺既分店,一定要坐卡位吧!唔坐唔夠爽!$58 一渣既竹蔗茅根水,清甜潤喉!不過其實我對呢款既清熱功能感到懷疑.如果有羅漢果水就仲正!$54 水餃王半份.係呢度既名物,大大隻,包住超大隻蝦,極級爽口!仲開心係可以叫半份!$168牛雜鍋,清清地不會搶味,而且勝在有埋牛雜,當係一個配料省省錢!基本部位都齊全,最正當然係肺.不過我建議再可以煮稔一點!$298既金牌手切肥牛脊位(大),牛味濃之餘,仲無咩渣喔!最神奇既地方係我望住碟牛肉中間位有點旋轉感!好暈$58 炸腐皮,火鍋吸湯既神器,不過我個人不太喜愛.$88 野菜籃,份量十足,叫一個唔洗叫其他菜!將牛雜沾一沾生雞蛋與蔥蒜混合物,鮮味無比!(雞蛋$10 1隻)水餃王真係無得頂,蝦肉大之餘,與木耳和豬肉混和後,更加鮮甜又脆口!最後叫個$58 日本烏冬填肚,稻庭烏冬當然係比較滑溜.而且比較煙韌,索盡幾小時後既精華實在滋味最後送上西瓜和桂花糕清清口腔就完成了.先多謝朋友既請客,埋單$990所