火鍋本色 (已結業)

去 SOGO shopping完，天氣熱辣辣，亞仔居然話想食火鍋，咁就滿足下佢，去咗銅鑼灣L Square嘅火鍋本色。我哋一行六人，坐張大枱，二話不說，就叫個六人餐先啦。哇，個餐嘅食物種類真係多不勝數，幾乎一般嘅火鍋材料都包含了，而且仲有兩樽竹蔗水或酸梅湯添。食物種類實在繁多，一般嘅水餃雲吞，肉丸蔬菜盤，不在話下，真係要提一提佢哋海鮮拼盤，同埋手打牛肉。  海鮮拼盤一上枱嘅時候，我眼睛就俾佢吸引住，D蝦腳正在不斷嘅擺動，鮑魚也在抖動，見到食物咁新鮮，真係想立即將佢哋K.O.。另外，聖子也很彈牙，蜆大隻，蟹又有大肥膏。食火鍋，食牛肉就例牌㗎啦，佢嘅手切牛肉好講究，特別新鮮，有牛味，淥到啱啱熟，入口就溶化。高質素嘅牛肉，貴啲都值得。除咗呢兩份主角，其他嘅蔬菜拼盤新鮮，肉丸超級彈牙，響鈴脆卜卜，以每人平均三、四百蚊黎講，最後配上雪糕糯米糍，好滿足超值的一晚。