渝味曉宇重慶老火鍋 (聚賢逸居) (已結業)

困得太耐要出來抖抖氣，跟家人到附近烚下烚下。現時人流會多，又有足夠距離，食得好放心。簡約既裝潢，樓底亦算高，感覺好舒適。未落order已送上甜絲絲的雪耳糖水，好正!炸酥肉味道帶點痳辣，口感鬆，作餐前小食都幾好!打邊爐點少得肥牛，肥廋均稱，賣相亦好靚，真心覺得好過好多火鍋店。鴨紅切到幾大塊下，咬落較豬紅爽，同時冇咁勒。三色丸質地幾彈牙，加上冇乜根位或雜質。至於係唔係手打，我地就冇走去深究，只要好食便可。豬腰片刨到好簿，不用烚太耐就食得，好爽口。