蘇潮韓海火鍋私房菜

營業中

休息中

今日又來打邊爐啦！今日去位於荃灣嘅火鍋店，店名係蘇潮韓海火鍋私房菜。我哋揀咗豬骨湯底，入邊有粟米紅蘿蔔，同埋好大舊豬骨，啲粟米好甜，同埋建議大家食埋個豬骨，因為都好多肉！嘢飲方面，我哋嗌咗兩杯特飲，分別係星空特飲，同埋百香果特飲。小食方面我哋叫咗滷水拼盤，有滷水大腸，滷水鴨腎同埋滷水雞翼尖。黎到火鍋配料啦，我哋叫咗手打四寶丸，有蝦丸，豬肉丸，牛肉丸同埋墨魚丸。另外仲有啲自家製嘅雲吞同水餃，另外仲有叫蔬菜，響鈴同埋雞子。不得不提係佢嗰啲安格斯牛小排因為真係好有牛味同埋唔會太肥，厚薄適中！