五樓飯堂 (已結業)

之前都有食過火雞姐但已經執左，同事話搬左入黎呢度有得食。本身好想叫牛柏葉同煎饟三寶，但都售罄冇得叫，最後叫左四餸車仔麵，蘿蔔山根溏心蛋同腐皮蝦卷，個蝦卷偏硬麻麻地，蘿蔔好甜冇渣正，然後汁方面係叫左沙嗲同腩汁，個沙嗲汁勁出色勁香勁濃超超超好食，個山根索曬啲汁超正，忍唔住係咁飲個湯，濃得黎又唔會話咸得濟佢個份量都多又大碗，唔會叫得多餸又比得好少份量你咁。本身叫四餸米線就$58，加杯凍奶茶加$8，一共$66，好食。