樂法 (已結業)

近排成日去銅鑼灣做嘢，天氣實在太熱太熱，經過啲手搖飲品店都忍唔住想買番杯，但係日日都飲珍珠奶茶都唔太對路，見到有間好似新開嘅水果飲品店，一於入去試吓估唔到都幾有驚喜。我就叫咗杯火龍果雲朵，用咗成杯乳酪，火龍果沙冰唔使加糖已經有水果嘅甜味唔錯，口感幾特別一啖冰沙一啖好滑嘅乳酪係口。另外都叫咗杯芒果沙冰，芒果沙冰芒果味幾重下，仲要係用新鮮芒果去打，同樣都係會落咗成杯乳酪，30幾蚊真係寧願要一杯水果乳酪好過飲珍珠奶茶。加上勁適合打卡好靚，紫紅色嘅沙冰又配左白色嘅雲朵， 忍唔住影返幾幅相。 買滿$60仲送咗個布丁舊磁石板超得意。