狂野麻神麻辣火鍋 (已結業)

今次我哋又去咗尖沙咀食午餐 (無錯，又係美食森林尖沙咀😂) 試吓個一人一鍋嘅台式麻辣火鍋，另加少少其他菜式。今次 湯底我哋選咗麻辣和韓式 公仔麵。($66/鍋未連加一服務費)個湯底”麻”就做得唔錯，而個”辣”就略嫌未夠到位，鍾意食辣嘅 #辣粉 可以試吓叫店員加辣🌶配料就不過不失喇，都係韭菜芽菜嗰啲。反而跟餐果幾塊牛肉有驚喜禾，肥瘦均勻，以呢個價錢來講絕對冇得輸，贏哂😂跟住落嚟，我哋叫咗：台灣直送果凍鴨血($88)呢個真係不得了，鴨血獨有嘅鬆化，加埋用佢哋嘅滷水汁去滷，好入味！入到口種食到有絲絲酒香，一個字，正！👍🏻中間仲有個小插曲，就係上到枱嘅時候我哋以為係生嘅，仲傻更更咁扔落去個火鍋到，店員見到都呆一呆(😳👈🏻真係咁樣)之後話 ”呢個係已經熟咗，趁熱食…”。樣衰到我哋即刻想賣單走人😂花雕鮮雞子($118)坊間好多餐廳嘅花雕菜式因為成本問題而會溝水去浸，慶幸地呢個花雕鮮雞子無！好香濃嘅花雕香氣撲鼻而來，雞子爽口新鮮，粒粒都脹卜卜 ，份量十足！其實新鮮嘅食材係唔需要搞咁多嘢，簡簡單單就可以，而呢個花雕鮮雞子正正表現出呢句說話嘅精髓，絕對對得住個價錢😌