上野鐵板燒專門店

營業中

休息中

呢幾日天氣咁熱，朋友竟然話想趁機挑戰食鐵板燒。咁冇壞嘅，我哋就一於試吓啦。聽朋友講，旺角一間叫做「上野」嘅鐵板燒非常之正；於是，我就約咗今晚去食好野啦！夜晚七點，店內已經坐滿近八成顧客。原本我哋打算坐係吧枱欣賞師傅嘅精湛廚藝；但朋友又話想搵個地方靜靜咁品嚐菜式，於是我哋就揀咗喺店內角落嘅一張枱坐低。一打開餐牌，我哋就鎖定要食「鐵板帶子皇套餐（二人前）」。兩個人平平地五百幾蚊就可以食到咁多道菜，真係好抵呀。第一道上枱嘅係活蜆雜菇麪豉湯。成個麵豉湯鮮甜美味，隻隻蜆肉遊走係我哋嘅舌頭之間，簡直係人間美味。第二道正式上台嘅菜係美國頂級牛柳。成份牛柳粒大約七成熟，一啖一口，入口即溶。當你食到鮮嫩多汁嘅牛柳粒時，你就會明白咩叫做「一試難忘」。之後上枱嘅係三文魚炒烏冬。呢排我想食少啲生冷野，但又成日掛住三文魚嘅滋味⋯⋯嘻嘻，煎三文魚就即刻滿足到我嘅慾望。三文魚塊塊都煎到香噴噴，配埋芝麻烏冬簡直一流。跟手嘅喺日本原隻魷魚筒。踏入夏季，就係呢道菜嘅當造時期。聞說講究美食嘅日本人，一直視魷魚同烏賊係刺身之王，原因當然少不了質感軟韌、味道甘甜，仲帶有淡淡海水味呢幾大優點。之後嘅係北海道帶子皇。成份帶子新鮮無