木船泰國粉麵專門店 (已結業)

疫情之下，已經有一段時間無去旅行，每次一諗起泰國既美食，都會十分掛住，難得今日約左好朋友食飯，就一於揾泰國餐食下啦。黎到翠怡花園附近，見到呢間木船餐廳都幾多客人，當時既時間係平日下午，睇黎幾有信心保證，一於入去試下啦午餐選擇都好多，而且價錢合理店內裝修都幾有心思，充滿泰式風情首先叫左一個牛丸札肉金邊粉。牛丸十分彈牙，超香牛味。湯底濃郁，完全係泰國的味道，金邊粉仲索晒d湯汁，每一啖粉都好夠味小食十分抵食，只係追加18蚊就可以食到兩款。我地叫左雞卷同炸魚餅。兩款都十分出色，炸既時間剛好，新鮮熱辣泰式甜酸醬真係點咩都係咁好食，有錦上添花既作用呢個燒黑豚肉飯，一上枱已經好搶鏡，黑豚肉上面鋪滿靑木瓜絲，而且係勁香!!翻開入裏面原來有驚喜，有隻流心蛋係入面，蛋汁可以同d飯撈埋一齊食。燒黑豚肉十分香口，肥瘦適中，一點都吾會韌。靑木瓜絲甜甜酸酸，令人更加開胃天氣太熱，叫左個椰靑飲下，重拾下泰國既感覺，一飲即刻透心涼今餐十分滿足，下次再經過附近一定再幫襯