七喜粥麵小廚 (已結業)

成日都經過七喜門口，唔知點解都未食過，今日專登黎試一試。坐底後，俾佢個餐牌價錢嚇一嚇，炸醬麵加餛飩要$68。太價了，雖然見都幾多人食，不過我地無叫。鹽焗雞飯: 唔係好入味，主要靠個碟醬俾返個味。蝦醬乾炒牛河: 炒得比較油，食唔到蝦醬味，一般。肉絲炒麵:依個好出色，個都好脆口，食到鑊氣。依個係全餐最好食。咸魚肉碎蠔仔粥:諗咗好耐叫唔叫依款，因為覺得加咸魚好怪。結果味道唔錯，咸魚落得好少，帶出少少咸魚香味，蠔仔算肥大，依個組合有驚喜。