湯品小棧 (已結業)

今日又去開大角咀做嘢，又係諗住食一個簡單晚餐，行過嘅時候見到呢一間係飲湯出名嘅餐廳，仲要拎過米之蓮，當然要入去試吓。餐廳空間不大，有大約10個座位，好彩我一個人都容易搵位。松茸燉湯＄42個杯嘅外型好可愛，同我地平時飲開嘅白色碗燉湯好唔同。除咗外型得意之外，入邊都好足料。一上枱就聞到好重嘅松茸味道，有松茸，有紅蘿蔔絲，有木耳，同埋最重要嘅雞脾肉，靠佢將成個湯嘅味道帶咗出嚟，好鮮甜，這個湯味道較突出，可能係因為松茸嘅關係，咁嘅價錢，絕對足料兼落足心機。芥末豬手麻醬撈麵＄36上枱嘅時候本來仲以為黎錯左，見到上面全部都係泰式辣醬，原來係啱嘅。個芥末醬係撈左係面入邊，估唔到豬手同泰式辣醬有幾match，酸辣嘅味道好開胃，芥末比較突出，所以不太食得出麻醬嘅味道，但整體味道不錯，麵底用上韓式幼麵，幾彈牙，而且可以吸晒醬汁，食完都幾飽肚。