影片
更多
2019-11-30
1760 瀏覽
位於石門o既呢間西餐廳，樓底好高，開揚度高，以綠白色為主調，帶點田園氣息；因應就o黎聖誕，掛上o左少少節日裝飾。除o左有長檯方便一大班人之餘，仲有d 圓形卡位，俾我地坐得親密d sweet sweet……餐廳有多個國家多種生蠔，其中六款仲做緊買一送一。雖然我地無叫到，但仍然試o左客招牌蠔湯($68 未加一)。個湯呈灰綠色，質地creamy 濃稠，蠔味尤其重，相信幾足料熬製，鮮甜之中唔會過鹹。跟湯搭上一小片蒜蓉法包。前菜諗過叫parma ham 配哈蜜瓜定煙三文魚，最後都係決定嗌碟煙三文魚配蕃茄莎莎($78)。滑滑o既smoked salmon，上面o既莎莎醬以蕃茄、洋蔥粒等同香草製成，整體味道酸甜，口感清新。朋友鍾意鋸扒，點o左一份炭燒紐西蘭肉眼($248)。大塊厚身，聞落好香炭燒o既bbq 味！外面燒成吸睛o既橫紋，裡面因為叫medium rare，自然十分鬆化。佢無其他餐廳整通常連帶一大舊肥膏，果真啖啖肉。一啖咬落去，牛穌味遊走齒頰之間，大滿足！塊扒下面有住薯仔、露荀、粟米仔等o既配菜，仲附上黃芥辣，辣度甚高……龍蝦汁海鮮意大利飯($168) 一如menu 圖中所示，都算幾多餸，有
餐廳有多個國家多種生蠔，其中六款仲做緊買一送一。雖然我地無叫到，但仍然試o左客招牌蠔湯($68 未加一)。個湯呈灰綠色，質地creamy 濃稠，蠔味尤其重，相信幾足料熬製，鮮甜之中唔會過鹹。跟湯搭上一小片蒜蓉法包。
招牌蠔湯 ($68)
46 瀏覽
0 讚好
0 留言
前菜諗過叫parma ham 配哈蜜瓜定煙三文魚，最後都係決定嗌碟煙三文魚配蕃茄莎莎($78)。滑滑o既smoked salmon，上面o既莎莎醬以蕃茄、洋蔥粒等同香草製成，整體味道酸甜，口感清新。
煙三文魚配蕃茄莎莎 ($78)
39 瀏覽
0 讚好
0 留言
朋友鍾意鋸扒，點o左一份炭燒紐西蘭肉眼($248)。大塊厚身，聞落好香炭燒o既bbq 味！外面燒成吸睛o既橫紋，裡面因為叫medium rare，自然十分鬆化。佢無其他餐廳整通常連帶一大舊肥膏，果真啖啖肉。一啖咬落去，牛穌味遊走齒頰之間，大滿足！塊扒下面有住薯仔、露荀、粟米仔等o既配菜，仲附上黃芥辣，辣度甚高……
炭燒紐西蘭肉眼 ($248)
41 瀏覽
0 讚好
0 留言
龍蝦汁海鮮意大利飯($168) 一如menu 圖中所示，都算幾多餸，有兩隻青口、蝦、魷魚圈、帶子同d 細螺肉混o係入面。橙色o既龍蝦汁沾滿每粒飯，係幾惹味，如果d 飯粒可以再硬身番少少會更好。
龍蝦汁海鮮意大利飯 ($168)
27 瀏覽
0 讚好
0 留言
想講，呢間餐廳除o左seafood 正之外，佢d 甜品都好鬼吸引，一路食見住隔離檯一路上住唔同款式造型o既甜品，真係睇到人流晒口水！其中最特別莫過於我地叫o既呢個燴車厘子金寶脆脆配雜莓及雪糕($78)。
燴車厘子金寶脆脆配雜莓及雪糕 ($78)
25 瀏覽
0 讚好
0 留言
用大酒杯盛載，裡面o既雪糕同生果堆砌到好似一個盆景咁；就o黎聖誕，又令人聯想到o個d 飄雪水晶球，色彩豔麗，影相o厄like 一流！上面封住o既係一層用蛋白造o既脆脆，食o既時候要先敲碎，有得食有得玩，而且碎裂o左之後又係另一個景色，真係幾推介。車厘子同d berries 又係少少酸多多甜，雪糕更加係movenpick o既出品，質素絕對有保證！
燴車厘子金寶脆脆配雜莓及雪糕
22 瀏覽
0 讚好
0 留言
張貼
