影片
更多
2024-01-11
563 瀏覽
愛徒雖然住係深水埗 2~3年，但竟然唔知愛文生大排檔係邊，於是帶愛徒去愛文生開餐! 當然... 亦都預咗愛文生多人到爆，所以過對面天祥開餐.幫襯過天祥多次，水準唔差，最緊要可以一邊食煙一邊望住部車又一邊食飯.今次點咗半隻金牌炸子雞，豉椒炒蜆，炸蠔餅同海味什菜煲.海味什菜煲當然唔係海味啦，都係蝦米同魷魚，重點係湯底鮮甜又夠熱，煲仔菜第一要點係要夠熱嘛!炸蠔餅脆口，蠔仔鮮嫩，我食蠔餅唔習慣點醬汁，感覺蠔仔特別嫩滑，但要快快食，攤凍咗會好油膩.雖然知道依家D蜆唔係肥美日子，但愛徒話想食就唔想 Reject 人意見啦，所以蜆肉比較細係正常，豉汁味超濃郁，咁先掛到上D蜆嘛....炸子雞無失望保持水準，皮脆肉嫩，雞胸肉咁易鞋口都好嫩口，俾個大 like!天祥同愛文生哩D大排檔係要冬天先嚟得，所以爭取時間嚟幫襯，夏天大汁疊細汁嚟食飯我絕對唔會囉.
幫襯過天祥多次，水準唔差，最緊要可以一邊食煙一邊望住部車又一邊食飯.
今次點咗半隻金牌炸子雞，豉椒炒蜆，炸蠔餅同海味什菜煲.
海味什菜煲當然唔係海味啦，都係蝦米同魷魚，
重點係湯底鮮甜又夠熱，煲仔菜第一要點係要夠熱嘛!
炸蠔餅脆口，蠔仔鮮嫩，我食蠔餅唔習慣點醬汁，感覺蠔仔特別嫩滑，但要快快食，攤凍咗會好油膩.
雖然知道依家D蜆唔係肥美日子，但愛徒話想食就唔想 Reject 人意見啦，所以蜆肉比較細係正常，豉汁味超濃郁，咁先掛到上D蜆嘛....
炸子雞無失望保持水準，皮脆肉嫩，雞胸肉咁易鞋口都好嫩口，俾個大 like!
天祥同愛文生哩D大排檔係要冬天先嚟得，所以爭取時間嚟幫襯，夏天大汁疊細汁嚟食飯我絕對唔會囉.
張貼
