三多炸肶 (已結業)

雖然我冇去過大埔本店食過，但之前都過兩三間三多，水準都差唔多，所以都係我常去嘅小食鋪之一。其實每次都想試下鹵水脾好唔好食，但次次去到都會嗌左炸脾$30，因為太好食喇！炸脾個皮係上左麵包糠，食嘅時間熱辣辣脆卜卜，好鬼正！雞脾肉juicy，又滑，一個人食一隻都飽飽地。另外炒腸粉$35都好好食，用豉油同肉碎炒，不過會有少少鹹。一個人食一盒又可以當一餐。雖然以小食黎講係貴左少少，但有質素保證，最起碼我食幾次都依然覺得好食。