三多炸肶 (已結業)

要數香港最好食的烤脾，我會推介西環的「真滋味」。要數香港最好食的炸雞，三多，會係我的心水之選。三多本身開係大圍，交通唔算好方便。但近期三多係元朗又新街開左分店，當然要去捧下場啦。雖然佢有好多唔同小食，但係我目標只有一個，就係「炸雞脾」！因為好多客排隊而佢又係新鮮去炸，所以落左Order大約等左5分鐘左右。店員提我小心熱，真係超辣手。由於天氣比較熱，所以去左旁邊7-11到食。炸脾真係熱辣辣，我差唔多等左3丶4分鐘先可以食，熱到傻！炸脾超大隻，表面沾上面包槺去炸，賣相已經100分。大大啖咬落去，「卡擦」一聲証明炸得非常香脆。雞肉的汁非常飽滿，好彩有帶手套否則成手都係雞汁。肉質非常好，夠嫩滑，而且肉質一絲絲，好新鮮。雞皮炸到脆卜卜，但係雞肉依然超嫩滑，証明炸粉做得好同埋控制火喉時間控制得好。調味上用左混合的調味粉，又香又惹味，好正！店面重有紅色的辣椒粉比你自己去加，辣椒粉又香好夠辣，超正！28牌一隻炸脾雖然有少少貴，但係炸得咁有質素，間中獎勵下自己都無壞呀！