Plato Cafe & Bistro (Mikiki)

呢日同男朋友去屋企附近食飯，呢間西餐廳環境唔錯，價錢又合理。打開餐牌，見到有好多選擇，有唔同既dinner set。呢度QR code 落單，好方便。我地一人點左一個餐加左$38升級法式蟹肉龍蝦湯，龍蝦湯好香濃。我地點左鮮茄煙肉三文魚意大利雲吞，雲吞入面有芝士，加埋番茄醬，好夾。另一個餐係炸軟殼蟹忌廉意大利飯，軟殼蟹幾香脆，加埋creamy既意大利飯，正啊。蕃薯條即叫即炸，好香口。野飲點左抹茶鮮奶同埋Oreo奶昔。