咖啡韓食 (已結業)

黎開沙田第一城，晚餐想食韓國菜，見得呢間就試下啦。叫左三樣野-半半炸雞-調味+蜜糖牛油都幾大份，雞炸得夠脆，調味雞個汁就惹味啲，甜甜辣辣。蜜糖牛油都ok，但只食得出蜜糖味。餐廳有埋手套比你用手食。另外點炸雞會送一杯啤酒/汽水如果可以送埋醃蘿蔔，解解熱氣就更好。-芝士紫菜卷比想像中細條左啲，但味道不錯。-泡菜餅唔建議食，好淋，好粉咁，餅煎得唔夠脆身，中間一pat野咁。整體炸雞同紫菜卷都值得食ge，泡菜餅無下次。店舖環境一般啦，如果餐廳播啲韓文歌黎聽下就有feel啲。埋單$270