HAHA CHICKEN 하하치킨 (西九龍中心)

營業中

休息中

上星期去完黃金商場買野，見好耐無去西九龍中心food court，所以上去望下，發覺開左好多新嘅餐廳，見有間炸雞有套餐，又唔太貴，買埋外賣返去同屋企人食。點左兩份價值47蚊嘅甜辣炸雞套餐，一份點左卡邦尼飯，一份點安東雞飯，驚唔夠飽所以加5蚊加大左個飯，套餐重有飲品送，無烏籠茶所以揀左綠茶。一份套餐有3件炸雞，外賣黎講都保持一定嘅脆口度，醬汁好夠味，肉質都好滑，依個價錢真係無得輸。加左5蚊嘅卡邦尼飯和安東雞飯份量就岩岩好，個人比較喜歡安東雞飯，因為有d似我最愛薯仔雞翼個汁，依個會帶甜一點。雖然炸雞應該配啤酒，但個日要睇波，所以乖乖地飲綠茶。