釜山炸雞批薩

營業中

休息中

馬鞍山地鋪一間好有驚喜嘅韓國餐廳，獨特嘅五味炸雞值得一試。可以堂食又可以外賣，外賣仲有9折添呀，以後搞大食會又多個選擇喇！而且叫炸雞仲會送可樂一罐，餐廳仲有好多款韓餐選擇，經過不妨一試😊。五味炸雞 $2395種分別係雙重芝味、經典原味、蜜糖芥末、特色甜辣同洋蔥蛋黃，全部去晒骨一字排開，個人最鍾意雙重芝味同特色甜辣，前者芝士味十分濃郁惹味，後者甜中帶辣十分開胃。清燉牛肋骨湯 $88除咗牛肋骨仲有蛋絲同粉絲，湯汁充滿牛骨嘅清甜同濃郁嘅香味，非常暖胃，送飯食十分之一流。人蔘雞湯 $98有成半隻雞之外其他材料亦夠充足，口味充滿人蔘獨特嘅甘香同鮮甜，而雞肉亦煮到入晒味。無骨豬腳 $168完全無骨+切片，仲有生菜同醬汁跟埋俾一齊，食落咸香味突出，肉質軟腍。