牛知己 (已結業)

今日原本諗住去世宙佳寶買嘢打邊爐，好耐無行開呢邊，原來入面開咗好多餐廳，見到有一間牛知已係食火鍋放題，計下數，其實仲平過自己買料，就試一試佢啦！ 呢到地方好大，座位闊落有四款湯底，今次揀咗一個韓式泡菜鍋，湯底味道類似部隊鍋，有少少辣。 每台有部平板電腦用來落單，追加食物 吧枱有十幾款蔬菜，麵，腸仔，芝士腸 另外丸類和肉類係用平板追加，唔係放喺吧枱嘅，會比較新鮮。丸類有少見嘅長洲魚蛋。安格斯牛肉，紋靚，但薄切，可以食多幾碟 海鮮有玻璃蝦，青口，墨魚仔，青口好大隻 熱食方面有炸餃子,番薯仔，番薯仔好甜 炸雞反而有驚喜，炸到外脆內軟飲品有好多選擇，除咗一般韓式罐裝飲品外，最抵讚係有茶包俾你沖熱茶飲 甜品係雪糕機，乳酪軟雪糕好滑，個人認為比雪糕杯好！汁醬係用上韓式醬油，上面仲會有建議配搭，不過我認為加埋新鮮蒜蓉，紅辣椒，蔥花會更加嘢未