Sodam Chicken (已結業)

三重雞煲 ($398) 配三款配菜一個鍋有齊韓式炸雞、安東燉雞同春川燉雞！一次過滿足我三個願望！炸雞外脆內嫩，啖啖肉唔油膩；春川燉雞就係韓式辣醬唔帶甜既個款辣，呢個汁配年糕好好食；安東燉雞既湯底類似壽喜燒，甜甜地，三款入面最愛呢個🤤！好喜歡呢到既雞煲有好多配菜，感覺冇咁濟！安東燉雞煲有粉絲、紅蘿蔔、薯仔、洋蔥⋯，春川燉雞煲有年糕、椰菜⋯配菜索晒d湯超惹味！另外，要讚一讚呢間餐廳既服務。店員超有禮貌！上菜/落單既時候又好清楚咁解釋，之後我地係咁加湯都冇嫌我地煩，超好服務！