2派克雞排

營業中

休息中

呢間來自台灣嘅2派克雞排，我之前一直都好想試。小店開喺街頭小食競爭激烈嘅蕪湖街，呢日我過黎掃街買小食順便試埋佢😋😋餐牌上最吸引嘅係脆皮無骨雞腿排，價錢同普通炸雞排一樣，新鮮現炸，有八款唔同嘅調味粉揀。雞肉表面酥脆香口，肉質都好多汁。佢地嘅雞排味道係甜甜地，更著重醃製雞肉本身，而唔係只靠調味粉增味。佢地仲有賣其他台灣夜市小食，例如炸花枝丸同甜不辣等，都係台灣直送。我試左脆脆雞皮同埋脆皮杏鮑菇，都揀左梅子粉調味，甜味同鹹味配合得好好，好味而不油膩。