반찬앤쿡 Banchan and Cook (東薈城名店倉)

營業中

休息中

去東涌行outlet順便食埋晚餐，行到3樓見到Banchan & Cook門面裝修唔錯，入面座位寬敞就決定食呢間！一打開menu睇到有個‘’嚐吃套餐‘’啱晒2個人食，有小食，主菜，甜品同飲品，唔駛諗食咩，就叫呢個啦！玟瑰醬芫茜大蝦蛋包飯肉醬牛胸肉蛋包飯🍴侍應即席切開蛋包飯上面個蛋，過程治癒；炒飯底有紅蘿蔔同翠肉瓜材料豐富，夾埋啲蛋一齊食口感一流。炸雞拼盤（原味，芝士，蜜糖炸雞）🍴炸雞即叫即炸，上到檯仲係超熱，外層脆卜卜，入面雞肉有豐富肉汁，正！🍴炸雞共有6隻口味可選，叫呢款拼盤可選3隻口味。原味食得到雞肉原汁原味道，芝士味面層嘅芝士粉好啱芝士控，蜜糖炸雞係我最愛，食落甜甜哋同炸雞好夾。甜品：甘筍Oreo慕絲蛋糕🍴盆栽造型嘅甜品，好啱打卡，面層Oreo整到好似泥土一樣，外型已經攞滿分！🥤焦糖脆脆鮮奶咖啡🥤青擰梳打🍴食飽飲番杯跟餐自選冰凍飲品，解喝又透心涼。