香港西廚學院

營業中

休息中

不嬲都好想試一次素菜buffet, 奈何見過唔少人都話質素好參差，尤其有啲要排勁耐隊，仲要限時咁食，今次受到 @nommyhk 嘅邀請，去試吓一間西式嘅素菜（其實佢無話係真係西式但既然係西廚學院，我諗都算係西式嘅😂😂）-入到去一坐低已經好warm, 因為隔離有個大大個嘅火爐mon 🙈同埋一路播住唔同嘅聖誕歌，好有節日嘅感覺🎅🏽🎄先行一圈再拿嘢食，見到有唔同類型嘅食物，有咖哩羊肉🥘/肉骨茶🍲/串燒🍢/漢堡包🍔/Pizza🍕/墨西哥卷🥙/蛋糕🍰/沙律🥗，當然唔少得菜菜菜啦🥦🥔-總括嚟講，食物質素都ok 嘅，有啲食落都感覺唔到原來係素嚟，最鍾意佢個肉骨茶，竟然有藥材味道！正！另外個🍔都好食，食落真係好似真肉，後來先知係用大豆造嘅，模仿豬肉嘅質感！好驚喜！其他嘅菜式不過不失啦～誠意搭夠！最warm 嘅係一邊食，一邊會有啲學員行過嚟問吓意見，又好耐心咁解答我哋嘅問題😽😽美中不足係食物嘅選擇比較少，建議可以加多啲嘢，可以揀多啲，另外甜品得兩樣真係太少喇！！我呢啲甜品控唔夠喉添😂😂同埋食物質素都有進步嘅空間，好似啲菜有少少太腍嘅感覺，不過又可能因為我鍾意食爽身，就會覺得太腍🙈🙈