影片
更多
2017-09-21
239 瀏覽
昨日放工後約咗朋友到新港城行街兼食晚飯，點知個商場大裝修，周圍封哂板，朋友怕大塵，提議搭一個站馬鐵入烏溪沙揾食。原來烏溪沙站都有幾多嘢食，西餐、泰國菜都有，忽然俾我哋發現呢間火煱店做緊$268無限時任食，仲有鲍魚、刺身、海鮮盤、前菜、生果……好似幾抵，即管試吓！食肆地方都頗大，可能新開張緣故， 裝修都好新淨。我哋點咗個冬瓜瑤柱湯底之後，即刻去攞啲前菜食，前菜有拍青瓜、雲耳、泰式鳳爪、鹵水鴨翼、冰鎮豬手……等。前菜做得唔錯，泰式鳳爪同黑醋雲耳都好好味，好開胃隨後侍應送上熱食---冬菇炆鮑魚，鮑魚唔算細隻，炆得好入味，冬菇好滑，唔錯！跟住奉上限量供應既刺身、海鮮盤、手工大水餃同牛脊肉。刺身大大件，非常新鮮。海鮮盤用雪鎮住，比較衛生。有蟶子、青口、鮮蝦、脆肉鮠、鮮魷，都算重本。手工餃雖然得兩隻，但超大隻。牛脊肉好大碟，少少油花，只要輕輕一灼，已經好甘香，最重要係無牛膻味。我哋食咗食肆限量供應嘅食物，已經飽咗一半， 再食埋自己叫嗰啲火煱料，真係飽到不得了， 之後發現仲有火龍果食，但實在食唔落喇。呢間任食火煱店雖然貴少少，但不限時間，而且免費供應前菜、刺身、海鮮盤、冬菇鲍魚，仲有罐裝飲品任飲，其
原來烏溪沙站都有幾多嘢食，西餐、泰國菜都有，忽然俾我哋發現呢間火煱店做緊$268無限時任食，仲有鲍魚、刺身、海鮮盤、前菜、生果……好似幾抵，即管試吓！
食肆地方都頗大，可能新開張緣故， 裝修都好新淨。我哋點咗個冬瓜瑤柱湯底之後，即刻去攞啲前菜食，前菜有拍青瓜、雲耳、泰式鳳爪、鹵水鴨翼、冰鎮豬手……等。
前菜做得唔錯，泰式鳳爪同黑醋雲耳都好好味，好開胃
隨後侍應送上熱食---冬菇炆鮑魚，鮑魚唔算細隻，炆得好入味，冬菇好滑，唔錯！
跟住奉上限量供應既刺身、海鮮盤、手工大水餃同牛脊肉。
刺身大大件，非常新鮮。
海鮮盤用雪鎮住，比較衛生。有蟶子、青口、鮮蝦、脆肉鮠、鮮魷，都算重本。
手工餃雖然得兩隻，但超大隻。
牛脊肉好大碟，少少油花，只要輕輕一灼，已經好甘香，最重要係無牛膻味。
我哋食咗食肆限量供應嘅食物，已經飽咗一半， 再食埋自己叫嗰啲火煱料，真係飽到不得了， 之後發現仲有火龍果食，但實在食唔落喇。
呢間任食火煱店雖然貴少少，但不限時間，而且免費供應前菜、刺身、海鮮盤、冬菇鲍魚，仲有罐裝飲品任飲，其實計落好抵，最重要係材料非常新鮮，稍後一定會帶家人再來幫襯。
張貼
