香港賽馬會滿貫廳

營業中

休息中

小編不嬲都好鍾意嚟呢度飲茶。呢度座位幾寬敞，環境好，個景靚，大落地玻璃對住個馬場。不過夏天黎坐近玻璃可能會熱啲😂 因爲中午時份太陽會曬入黎。呢度嘅點心九成都好食。小編尤其鍾意食蝦餃同蝦腸。兩個點心個皮都好晶瑩剔透，薄薄地包住啲蝦，好鬼正 蝦餃啲蝦大大粒，有啲汁咁，唔會好乾，好正。 蝦腸啲蝦好大隻，點埋豉油食好滿足呢度嘅炒粉麵好大份，啲料都好足，睇下啲牛肉多到😂 但價錢方面又唔會好貴，都算抵食。呢度啲蛋撻都好食，不個個酥皮有時會厚左啲同燶左啲。個蛋好香，唔會太甜。燒賣大大粒，好香口，中間肉汁好多。牛肉球都好大粒，亦都好新鮮。