多點心

營業中

休息中

喺淘大商場隔離嘅牛頭角樓下商場有一間多點心，呢間嘅點心都做得唔錯。佢同普通嘅茶樓嘅形式有啲唔同，呢度唔使收加一服務費，二茶位就$5一位。係呢個情況之下，係公眾假期你多點心飲茶，就平得多啦！今日就同屋企人試咗四樣點心：首先蝦餃皮薄餡靚，個味道非常之唔錯！值得一試！而燒賣都好正！呢度仲有可以要兩粒燒賣兩粒蝦餃嘅配搭，如果人少少，又想試多啲唔同嘅點心就啱晒啦！不過雪山叉燒包就麻麻哋啦，雖然佢係呢間餐廳嘅主打，但係味道就有少少遜色，個包唔夠熱所以佢嘅酥皮亦都唔夠脆。我哋仲帶咗個鳳爪排骨飯，呢度嘅鳳爪排骨同個飯係分開上嘅，所以排骨同鳳爪嘅肉汁就冇辦法融入到啲飯當中啦，所以個飯嘅味道就唔太好！總括而言，如果係假期你多點心就好抵食啦！