王子飯店

營業中

休息中

疫情下想搵個闊落、乾淨嘅地方飲茶，於是決定黎有落地大玻璃、陽光充足嘅王子飯店🥰前菜先叫左四川拆骨豬手先講拆骨豬手好適合我依類懶人😂豬手彈牙入味，四川辣汁唔會太辣，非常惹味，強烈推薦比鐘意食豬手嘅朋友！天下第一包見到每個食評都必讚嘅包，賣相似普通叉燒餐包，但食落有驚喜！包體比較薄但十分軟熟，叉燒內餡唔係一大舊肥豬肉，係包入半肥瘦叉燒，而且亦唔會好似其他餐廳咁食落成口都係甜叉燒醬，調味簡單唔會過甜，好食到忍唔住再encore多碟😋鮑魚汁炆雞腳雞腳炆得又冧又入味，鮑魚汁都比想像中濃郁。小籠包小籠包皮薄湯汁多，個人覺得肉餡可以份量多少少。P.S. 一籠有四粒，食左一粒先記得影🙈燒賣十分足料嘅燒賣！多到啖啖都食到冬菇，好香🥰春風得意腸薄薄腸粉包住香脆足料春卷，春卷係即炸所以上枱後依然又熱又脆，鐘意「香口野」嘅朋友一定要試下！整體食物、環境、服務都高水準，枱與枱之間距離寬敞，想必將會成為我家常去茶樓之一。