御名園

營業中

休息中

好耐無試過放假去飲茶，見天氣熱又唔想係屋企長開冷氣，去飲茶又係第一個唔錯嘅選擇。我地揀左點心放題，有90分鐘任食點心，大約有30-40選款式俾大家去揀。鮮味蝦餃皇和蟹米燒賣皇兩者入口都啖啖肉，鮮味蝦餃皇每件都有細鮑魚仔，味道更豐富。蠔皇流汁叉燒包這個相當有驚喜，唔似一般酒樓的叉燒包，通常面包會偏硬，但依個入口勁軟熟，多汁之餘，餚料十足。車打芝士蝦長春卷入口相當香脆，而且每啖都食到淡淡芝士香味。椒鹽魷魚鬚和一口豆腐粒，份量為2人份，外脆內嫰。四川香辣金錢肚一上枱已經嗅到香味，金錢肚掛汁力夠強，帶一點辣，夠晒惹味。燒鵝瀨粉，對任食黎講，小小的一碗就最岩，但燒鵝的份量十足，皮脆肉嫰。甜品點左中式甜品，有薑汁千層糕和乾清棗皇糕，即點即蒸，新鮮熱辣，個人最鍾意乾清棗皇糕，口感綿密。