聚點坊點心專門店 (已搬遷) 新店位置

兩個人的晚餐未到七點正在煩惱食乜晚餐，剛好經過這間餐廳。可能時間尚早，入到餐廳內仲可以選擇座位，但星期六日經過這裏無論是午餐或晚餐這間點心餐廳都經常企滿顧客在門口等位。平時有好多外國人光顧雖然好肚餓但係只是叫咗四款點心，因為全部都係飽肚食物:1)古法馬拉糕 $13-最好味－馬拉糕唔太甜,好鬆好軟熟2)奶黃流沙包 $14-奶黃金黃色，包身夠熱，但係偏甜3)北菇滑雞蒸飯 $27-北菇好差唔夠新鮮，滑雞好普通飯又硬，鍾意食硬飯嘅我都覺得難食4)生煎菜肉包 $20-包身都幾軟熟但係感覺好重味精茶每位$3總括來說都算抵食不設加一服務費，相信點心係即叫即蒸，但味道一般，平時如果要排隊就不值得一試。