影片
更多
2021-07-19
407 瀏覽
夜晚好想食點心，呢啲點心店啱晒我，想早午晚幾時飲茶都得。呢間嘅款式都幾多，有傳統嘅點心，又有創新嘅點心，我哋就點左幾款試吓。筍尖蝦餃皇$33飲茶我必食蝦餃，實在太鍾意食蝦，呢隻蝦餃皮薄，餡料飽滿，蝦肉爽口，仲有一啲爽脆嘅筍粒，正。鵪鶉蛋燒賣$35呢個好傳統嘅點心已經唔係成日有得食，鵪鶉蛋黃好香，蛋白部份有點爽彈，下面係滿滿嘅爽口蝦肉，好好食。爆汁墨魚燒賣$33食完傳統燒賣就食一個創新燒賣，呢個燒賣係用墨魚滑做嘅，食落口感就似爽口嘅墨魚丸，一咬開中間有爆汁流出來，餐牌寫係龍蝦汁，但係我就唔多食得出，但整體來講呢款燒賣都幾得意。XO醬菜苗餃$28菜苗餃餡料主要有豆苗和少少蝦粒，豆苗嫩口冇渣，蒜蓉嘅香味加上面頭嘅XO醬，呢個菜苗餃惹味又有鮮味。黑金流沙包$33流沙包而家變咗好似飲茶必食嘅點心，熱辣辣而且鬆軟嘅竹炭包，加上流心甘香嘅奶黃醬，實在係令人無法抗拒。章魚肉餅飯$40呢個肉餅飯我係衝着荷葉飯系列點嘅，但係上枱賣相有啲小失望，因為見唔到有荷葉包住，以為只係普通嘅蒸飯。但係食落有驚喜，原來竹籠底部鋪咗荷葉，飯吸收左荷葉嘅清香又有肉餅嘅肉汁，軟硬適中，好好味。肉餅亦都爽口，唔會好多肥膏，上面
筍尖蝦餃皇$33
飲茶我必食蝦餃，實在太鍾意食蝦，呢隻蝦餃皮薄，餡料飽滿，蝦肉爽口，仲有一啲爽脆嘅筍粒，正。
鵪鶉蛋燒賣$35
呢個好傳統嘅點心已經唔係成日有得食，鵪鶉蛋黃好香，蛋白部份有點爽彈，下面係滿滿嘅爽口蝦肉，好好食。
爆汁墨魚燒賣$33
食完傳統燒賣就食一個創新燒賣，呢個燒賣係用墨魚滑做嘅，食落口感就似爽口嘅墨魚丸，一咬開中間有爆汁流出來，餐牌寫係龍蝦汁，但係我就唔多食得出，但整體來講呢款燒賣都幾得意。
XO醬菜苗餃$28
菜苗餃餡料主要有豆苗和少少蝦粒，豆苗嫩口冇渣，蒜蓉嘅香味加上面頭嘅XO醬，呢個菜苗餃惹味又有鮮味。
黑金流沙包$33
流沙包而家變咗好似飲茶必食嘅點心，熱辣辣而且鬆軟嘅竹炭包，加上流心甘香嘅奶黃醬，實在係令人無法抗拒。
章魚肉餅飯$40
呢個肉餅飯我係衝着荷葉飯系列點嘅，但係上枱賣相有啲小失望，因為見唔到有荷葉包住，以為只係普通嘅蒸飯。但係食落有驚喜，原來竹籠底部鋪咗荷葉，飯吸收左荷葉嘅清香又有肉餅嘅肉汁，軟硬適中，好好味。肉餅亦都爽口，唔會好多肥膏，上面仲鋪滿咗鮮香嘅章魚粒，撈埋甜豉油一齊食飯好好味。
最後，店員仲送上杏仁茶，熱辣辣香甜滋潤，估唔到點心店都有糖水送呢！
張貼
