影片
更多
2005-04-25
36 瀏覽
曾幾何時，漢寶酒樓開到成行成市，龍蝦賣到街知巷聞仲上埋市，當時有乜喜慶要豪一豪，一定第一時間想起漢寶及其龍蝦伊麵底。但事過境遷，打正以漢寶為名的就只剩土瓜灣道店同裝修中o既柯士甸道漢寶皇宮，飲食業果真兢爭激烈，適者生存。發完up瘋，講番正題。諗一諗都好耐冇去過飲茶，見星期日悠悠地就同女友去嘆番一壺兩籠。十二點上到去要等位，可見經濟正在復甦中。等了十分鐘左右，坐低後叫了點心如下：鮮竹卷- 好淡唔夠入味，睇個色已知無乜蠔油。o的餡齋多豬肉少，莫非受最近的高危點心發佈有關？鳳爪- 三大隻，味道不過不失，不過點解唔斬開呢？黃金流沙飽- 奶皇混合著咸蛋黃的餡，幾有新意，不過有o的兩頭唔到岸，唔咸又唔甜。飽皮唔得，好硬，可能同水尾有關。蝦餃- 正！有番一間大酒樓點心o既風範！皮薄煙韌，蝦有鮮味而且爽口，肥豬肉的比例亦恰到好處。鴨腳扎- 好耐冇食過，不過唔係咁好食，隻鴨腳唔夠腍，而且腳趾有少少斷，不過o的豬肉料都ok。牛肉腸- 牛肉有少少韌，熟油落得太多了，食到成口油。馬蹄糕- 好大件，馬蹄粒多，但糕身唔夠硬亦唔夠甜。埋單共$95~叫了七樣點心，總括來說只有蝦餃可以，比著其他酒樓一早比o左喊面，但對
發完up瘋，講番正題。
諗一諗都好耐冇去過飲茶，見星期日悠悠地就同女友去嘆番一壺兩籠。十二點上到去要等位，可見經濟正在復甦中。等了十分鐘左右，坐低後叫了點心如下：
鮮竹卷- 好淡唔夠入味，睇個色已知無乜蠔油。o的餡齋多豬肉少，莫非受最近的高危點心發佈有關？
鳳爪- 三大隻，味道不過不失，不過點解唔斬開呢？
黃金流沙飽- 奶皇混合著咸蛋黃的餡，幾有新意，不過有o的兩頭唔到岸，唔咸又唔甜。飽皮唔得，好硬，可能同水尾有關。
蝦餃- 正！有番一間大酒樓點心o既風範！皮薄煙韌，蝦有鮮味而且爽口，肥豬肉的比例亦恰到好處。
鴨腳扎- 好耐冇食過，不過唔係咁好食，隻鴨腳唔夠腍，而且腳趾有少少斷，不過o的豬肉料都ok。
牛肉腸- 牛肉有少少韌，熟油落得太多了，食到成口油。
馬蹄糕- 好大件，馬蹄粒多，但糕身唔夠硬亦唔夠甜。
埋單共$95~
叫了七樣點心，總括來說只有蝦餃可以，比著其他酒樓一早比o左喊面，但對漢寶總有一份莫名的親切感，可能由細去到大，亦十分懷念以前一家人個個週末去飲茶的日子，所以即使失色亦一定會再去。
張貼