豪隍點心工房 (已結業)

一盅兩件而家已經愈來愈少食。難得今日朋友慶起約我去飲茶。即刻應承啦。牛肉球食落唔粉。而且馬蹄量多。食落淋身之餘帶點爽口。喼汁亦唔會蓋過牛肉球嘅味道。蝦餃，皮夠薄，而且隻蝦夠大隻。雞紮，又係飲茶必點。我自己最鍾意食入面塊豬皮。索晒所有材料嘅味道。好好食。燒賣，我自己比較鍾意食茶樓嘅燒賣。出面小食店嘅魚肉燒賣簡直比唔上茶樓嘅燒賣。腸粉係叉燒腸。叉燒份量都塞滿成條腸粉。腸粉皮唔厚。叉燒亦都肥瘦均勻。食落去唔會太油膩，又唔會太清。