點喜來 (已結業)

記得約一年前到，某旅遊雜誌介紹香港既點心舖，已經介紹呢間了，時至今日先至有機會去試一試菜。原本去太子諗住係食佢隔離既腸粉，但係男友話唔想食菜乾粥，所以就去咗呢間食點心la。 最愛那些杯碟，因為唔係平時茶樓用開的，倒太熱的茶不會燙手，好鐘意。裝修亦都唔錯，燈光好柔和，而且佢地播d雀聱，好舒服。叫咗牛肉、蘿蔔糕、麻辣燒賣、蒜茸蝦春卷、櫻花蝦腸、鳳爪同埋菜苗餃。櫻花蝦腸煎得好味，好香，唔多油。蝦好脆，唔係平時食的蝦米腸般，平時食既蝦米腸好"淋"。麻辣燒賣，唔好食，以為真的麻辣，點知一d 麻辣都冇。蒜茸蝦春卷，皮太厚，唔得。其餘都係一般般，冇特別。侍應唔主動加水，唔係咁好。