銀津點心茶餐廳

營業中

休息中

今晚去左旺角買figure，之前訂左一隻figure番左貨啦！去攞貨之前食個晚餐先！上網搵到一間主打點心的茶餐廳，晚市時間食下點心好過癮，過一過酒樓癮先！睇睇menu之後叫左蝦餃皇，粒粒皮薄，入口香軟蝦餃皮，有點煙韌，蝦肉大大隻加左豬肉餡料，好足料好爆滿，一口一隻好滿足！即叫即蒸夠哂熱啊！韮皇鮮蝦腸，腸粉皮薄米香重，中間蝦肉夠大隻好爽甜，加上薑片，滑溜腸粉我最愛呀！另外加點一個蒸飯，肉餅有肉粒好咬口，香軟夠油香，冬菇粒好香，飯粒夠咬口米香重！我叫多一杯阿華田。