影片
更多
2021-04-26
545 瀏覽
去完寶福山拜山想飲茶，但係又唔想去大集團/連鎖店，所以行遠少少去咗富東閣。一行5人，要分兩張枱。星期六早上10點半左右去到，見倒酒樓門口都幾多人等緊，心諗都唔知要等幾耐，結果無耐侍應幫我哋安排咗落一層嘅房分兩張枱坐。原來下層本身做鵲局，因為疫情暫時停止，所以店家將每房放兩三張枱做埋茶市。點心款式好多，就算係特價嘅都好多款，而且好多都啱食。$26點心(星期六日及假期每款加$3)做緊4送1 / 8送2 / 12送3，如此類推。我哋叫咗12送3(有啲重覆叫)，一共15碟。啲點心全部都熱辣辣，味道又夠，而且size都算大。不過因為大家都好肚餓，掛住食而無影相。我特別推介佢嘅蝦餃同鮮蝦菜苗餃，好多蝦，好甜好爽。下次一定要再去試埋其他點心。
一行5人，要分兩張枱。星期六早上10點半左右去到，見倒酒樓門口都幾多人等緊，心諗都唔知要等幾耐，結果無耐侍應幫我哋安排咗落一層嘅房分兩張枱坐。原來下層本身做鵲局，因為疫情暫時停止，所以店家將每房放兩三張枱做埋茶市。
點心款式好多，就算係特價嘅都好多款，而且好多都啱食。$26點心(星期六日及假期每款加$3)做緊4送1 / 8送2 / 12送3，如此類推。我哋叫咗12送3(有啲重覆叫)，一共15碟。
啲點心全部都熱辣辣，味道又夠，而且size都算大。不過因為大家都好肚餓，掛住食而無影相。
我特別推介佢嘅蝦餃同鮮蝦菜苗餃，好多蝦，好甜好爽。下次一定要再去試埋其他點心。
張貼
