影片
更多
2018-01-07
709 瀏覽
原本今朝打🎾。又落雨☔️唉，唔通... ... 連個天都唔鍾意我😭所以中午要開心返下，一於2個人去西環水街嘅周記點心 + 茶餐廳食餐好嘅😋其實，認識左呢間點心店好耐，奈何每次想食，門外都大排長龍，估計都要排半小時以上，所以每次都無試😔今日差不多12點去到，門外竟然唔太多人😱即等！非常幸運，等左不足10分鐘就有位☺️因爲店內都好多人，所以搭枱係在所難免。入到去，見到只有10張4人枱共40個位，怪不得經常大排長龍😫掃一掃Openrice，奶黃流沙西多士同埋芝麻蝦多士係必食！就點呢2款啦！另外再點XO醬炒銀針粉同埋鵪鶉蛋燒賣，2個人應該夠哂食😋睇睇餐牌，點心款式唔算非常多，但勝在夠創新式又幾特別，有令人想試嘅衝動！而且點心店仲有另一個身分：茶記！見大部分茶記飲品都有，唔錯👍👍首先黎左個銀針粉，熱辣辣，有避風塘味道，有肉碎少少辣好惹味！竟然有少少孜然味，其實味道係好好😋但少少可惜係個銀針粉唔夠爽，有少少林左咁撻埋1堆，個汁有好味但可以乾身返啲😊之後黎左蝦多士，蝦膠夠哂大件，唔太爽口但都可以接受。件多士好夠芝麻，個包邊夠香口夠脆。配埋沙律醬都算係幾好味👍推介黎啦😍個多士剛剛炸好，中間脹卜卜，一切開，
其實，認識左呢間點心店好耐，奈何每次想食，門外都大排長龍，估計都要排半小時以上，所以每次都無試😔今日差不多12點去到，門外竟然唔太多人😱即等！
非常幸運，等左不足10分鐘就有位☺️因爲店內都好多人，所以搭枱係在所難免。入到去，見到只有10張4人枱共40個位，怪不得經常大排長龍😫掃一掃Openrice，奶黃流沙西多士同埋芝麻蝦多士係必食！就點呢2款啦！另外再點XO醬炒銀針粉同埋鵪鶉蛋燒賣，2個人應該夠哂食😋
睇睇餐牌，點心款式唔算非常多，但勝在夠創新式又幾特別，有令人想試嘅衝動！而且點心店仲有另一個身分：茶記！見大部分茶記飲品都有，唔錯👍👍
首先黎左個銀針粉，熱辣辣，有避風塘味道，有肉碎少少辣好惹味！竟然有少少孜然味，其實味道係好好😋但少少可惜係個銀針粉唔夠爽，有少少林左咁撻埋1堆，個汁有好味但可以乾身返啲😊
XO醬炒銀針粉
$36
66 瀏覽
0 讚好
0 留言
之後黎左蝦多士，蝦膠夠哂大件，唔太爽口但都可以接受。件多士好夠芝麻，個包邊夠香口夠脆。配埋沙律醬都算係幾好味👍
芝麻蝦多士
$38
79 瀏覽
0 讚好
0 留言
推介黎啦😍個多士剛剛炸好，中間脹卜卜，一切開，個流沙奶黃即「必」哂出黎，好吸引😋食落口，個包夠脆、流沙餡嘅鹹蛋黃味夠濃，但又甜甜哋，真係幾特別好好味、好邪惡😋我地2個將件西多切開1粒粒食，每粒都係咁蘸啲奶黃醬食，食到隻碟都乾淨哂🤣係好好味，不過，個西多係就咁夾埋炸嗰種，我個人口味比較鍾意普遍茶記嗰款西多士，即係成份蘸滿哂蛋漿炸嗰款😅
奶黃流沙西多士
$30
52 瀏覽
0 讚好
0 留言
等左好耐，其他點左嘅食物都食哂，點解鵪鶉蛋燒賣仲未到嘅！？催左店員1次，過左陣仲未到，我同朋友講點解其他枱都有我地嗰碟仲未到？另一位店員立即問我地欠邊款點心，然後好快就親自端上👏👏👏
燒賣嘅肉夠實淨唔會散開，又唔會好多肥豬肉，口感一流！但我食完個燒賣好口渴，係敗北之處... ...
鵪鶉蛋燒賣
$18
59 瀏覽
0 讚好
0 留言
其實食完呢餐感覺唔錯👍如果唔使排太耐隊，下次都會想試下佢其他點心同茶記飲品的☺️
張貼
