Fifty Fifty (已結業)

本身腸胃唔太舒服所以想揀樣清啖d嘅，就揀左雜菌炒天使麵set lunch，因為同事話個cake幾好食。點知碟麵黎到，個樣已經衰，好似亂炒咁，天使麵好似米粉咁幼，林到用差捲麵捲唔到，一食落口，林到唔識形容。再食多幾啖，食到一大舊好似香口膠咁嘅嘢，味道係臭芝士，望多次個menu明明冇寫有芝士，再係碟野度搵搵，勁多舊係底，每舊都係痴住斷哂嘅麵，分都分唔開，結果放棄。等甜品到，係cheesecake，又係芝士，見到都唔開胃。一食，有提子乾係入面仲要有酒味，真心唔識欣賞。全餐最正常嘅係杯熱華田。Ps 每隻碟都係崩嘅，真係好倒人胃口