黃枝記 (已結業)

落蘭桂芳之前想醫飽個肚先，朋友就帶我去食黃枝記，以我帶印象開始黃枝記就係一間旅客先會去嘅食店，喺費事同人逼嘅情況下，一般唔係朋友帶我唔會特登去食。入到去發覺嘢食俾我想像中平wo😂3-40蚊就有一個牛腩麵, 不過我個人鍾意食撈麵（大約$50-60）嚟到見到佢個麵係用好幼身嘅麵條，食落好彈牙而且無「簡」水味，係我咁大個人第一次食到嘅麵身。幾特別！另外仲叫咗個炸雲吞添，本身以為佢係普通雲吞皮就咁炸出嚟，原來唔係！佢係正宗個隻，啫係一般聽過「錦鹵炸雲吞」個種，不過就跟普通甜酸醬，雖然雲吞唔係熱，不過勝在夠脆，又大塊。整體嚟講都算係幾特別嘅一餐，如果未食過可以一試呀！