京林屋 (明宮閣) (已結業)

京林屋試過好幾次，因為分店多，質素又有保證。餐廳裝修簡約，以大地色為主調，令人感覺柔和舒服。⭐️金目鯛定食$88今日放工想食返碗飯，即時諗起京林屋既金目鯛。金目鯛用醬料醃過，魚塊吸滿曬醬油既香氣，食落好香，魚肉好滑。焙茶飯有好香既茶味，真心好食⭐️黑豆茶$46茶味好香，入口濃郁。⭐️香港限定芭菲$98芭菲層次至少有十幾層。最上面係抹茶軟雪糕。抹茶味濃郁，下一層係蕨餅，Q彈，好鍾意呢種口感！我最喜歡食玄米脆粒，不過好似淋左d。白玉煙煙韌韌，唔黏牙。仲有紅豆蓉，餡蜜清甜，士多啤梨同抹茶都好搭。⭐️抹茶卷蛋$88呢度既雪糕真係好食！抹茶味好出，餘韻有茶既幽香。蛋捲中間嘅抹茶忌廉幾滑，有濃郁既抹茶味，唔死甜。不過蛋糕較濕潤，鬆軟D更正！▪️整體定食同甜品都好食！下次會再黎。