影片
更多
2021-01-11
359 瀏覽
由上兩個星期開始已經好想食香蕉高力豆沙，原本想同男朋友去香港仔天龍樓，但係佢之前都係得晚市先有，而家疫情六點後冇飯食，都唔知道佢會唔會午市有供應高力豆沙，所以直接嚟咗試豫園，一開頭以為係 Michelin有星，在細睇，原來係推介哈哈😂但係見其他嘅食評都好好，貴少少都好，為咗高力豆沙，我地嚟左呢度食🥲🥲前一晚喺OpenRice度book左位，今朝打去問清楚Menu係咪有高力豆沙嘅時候，聽電話嘅staff態度都好好，解釋咗，再即時同我確認booking，之後因為我遲到，都打電話去改時間，令一個聽電話嘅態度都好好，就同我講緊要😂 所以話呢，食肆聽電話嗰個真係好緊要，印象分加晒！🤗🤗 一出𨋢，門面係靚嘅，地方都好企理乾淨，星期一AL都係想舒舒服服食餐飯嘆下。訂枱嘅時候我冇要求坐海景位，應該係預先訂咗經理都會安排海景，又或者因為我食得比較晏所以安排到，anyway，如果大家嚟想坐海景位，安全起見，都係預先清楚要求好啲好啲。我個人就外貌協會會員黎嘅😂，就係因為佢呢個酸蘿蔔有塊檸檬係上面，我就對佢多咗份期待，而事實又真係冇令我失望，蘿蔔脆口冇渣，酸同糖嘅recipe 比例好好，又唔會令喉嚨唔舒服，有
前一晚喺OpenRice度book左位，今朝打去問清楚Menu係咪有高力豆沙嘅時候，聽電話嘅staff態度都好好，解釋咗，再即時同我確認booking，之後因為我遲到，都打電話去改時間，令一個聽電話嘅態度都好好，就同我講緊要😂 所以話呢，食肆聽電話嗰個真係好緊要，印象分加晒！🤗🤗
一出𨋢，門面係靚嘅，地方都好企理乾淨，星期一AL都係想舒舒服服食餐飯嘆下。
訂枱嘅時候我冇要求坐海景位，應該係預先訂咗經理都會安排海景，又或者因為我食得比較晏所以安排到，anyway，如果大家嚟想坐海景位，安全起見，都係預先清楚要求好啲好啲。
我個人就外貌協會會員黎嘅😂，就係因為佢呢個酸蘿蔔有塊檸檬係上面，我就對佢多咗份期待，而事實又真係冇令我失望，蘿蔔脆口冇渣，酸同糖嘅recipe 比例好好，又唔會令喉嚨唔舒服，有想繼續食嘅衝動🤤🤤
前菜
$25
2 瀏覽
0 讚好
0 留言
南翔小籠包
價錢屬於正常，但佢嘅質素我會覺得係 above average，摺法正宗，皮薄餡靚，皮薄得黎又唔會好容易夾爛小籠包，入面嘅湯有足足一湯匙，呢兩點已經睇得出返呢隻小籠包嘅師傅功力係好好🙌🏻
南翔小籠包
$58
17 瀏覽
0 讚好
0 留言
蘿蔔絲酥餅
呢一種小點平時已經冇乜師傅會做，因為比較花功夫，通常上是一間上海菜係唔係好嘅，都會試呢個同小籠包，的確冇失望
蘿蔔絲酥餅
$58
30 瀏覽
1 讚好
0 留言
亦都欣賞佢嘅底部有沾上芝麻一齊炸
蘿蔔絲酥餅
$58
10 瀏覽
0 讚好
0 留言
餡料除咗蘿蔔絲之外，佢都加咗香蔥，呢個小動作令到味道層次增加左🤤
蘿蔔絲酥餅
$58
11 瀏覽
0 讚好
0 留言
上海炒年糕
重點就當然係年糕本身嘅煙韌度同米香🤭平時食飯我食唔到一碟，但好食嘅炒年糕我可以食到一碟半😂😂
呢度嘅年糕係真係好好食，好高質，米香好香，都好夠煙韌，口感非常好！我真係好鍾意呢個質感！🥲🥲
但我覺得可以做得更好嘅地方係醬料同年糕未夠融為一體，有少少分離嘅感覺，而且我食嘅時候見到有草菇我都覺得有少少奇怪，點解唔係用冬菇？定係我食開嘅唔夠正宗？呢個我真係唔知道😂
上海炒年糕
$128
11 瀏覽
0 讚好
0 留言
四川擔擔麵
我覺得唔錯，但對我來講未係必食，因為我心目中最好食嘅擔擔麵都係細個去鑽石山食詠藜園嘅味道。不過我欣賞佢呢度嘅湯底香濃得來唔會死咸，但肉碎我覺得可以稍為加強香度同辣度，會更惹味。
四川擔擔麵
$68
2 瀏覽
0 讚好
0 留言
主角-香蕉高力豆沙出場👏🏻👏🏻👏🏻
男朋友未食過高力豆沙，係佢咬之前我簡單介紹係點樣造出嚟，佢再咬一啖，唔出聲，食晒成粒，然後一句「真係好好食」🤟之後我就默默好開心咁樣食咗我個兩粒香蕉高力豆沙🌝
香蕉高力豆沙
$78
3 瀏覽
0 讚好
0 留言
呢度無論係環境（包括枱花），餐具，服務其實都做得好好，呢一個價錢除咗買食物質素，都係包括埋呢啲嘢，而我比呢個價錢我都俾得開心，因為我有一個10分愉快嘅lunch🥰
張貼
