影片
更多
2018-05-25
231 瀏覽
前排，同朋友去完揼骨有啲餓，係千色附近周旋咗一陣子，最終近近地係呢間616牛肉火鍋專門店食個晚飯。事關決定得有啲倉促，所以未做任何Research，對於牛肉唔同部位嘅了解甚淺。但原來都唔緊要，點單用嘅PAD係菜單上係可以禁入去睇解說，除咗清晰說明咗牛肉嘅部位，連口感嘅形容都有，真係非常Friendly啊！於是係侍應嘅推薦加朋友嘅提議下，我地柯打咗一個鴛鴦酸菜牛骨湯，另外追加一啲牛肉同火鍋料。酸菜駕到時真係好大陣味，可見十分足料；而牛骨湯都唔簡單，份量足，味道濃郁。係等待煮湯嘅期間，行咗去混醬，醬料擺放咗係店後方，可見款式都幾多，岩哂重口味人士！順帶一題，不論你混唔混醬，每位人頭收HKD10咖。另外都有樣有趣嘅Point，餐廳話佢地有個特別承諾就係「20分鐘內，食物必到，否則此餐免費」，於是侍應就放低咗個沙漏係到。係講緊笑要唔要出貓嘅時候，食物真係BaBa聲咁好快到，果然唔係講玩。滿枱都係牛，考慮緊點分別邊款打邊款，餐廳真係好了解食客嘅麻煩之處，所以每碟都印有一張出菜單，咁就對自己食咗啲乜都一目了然啦！講番先，牛肉方面我地柯打咗共五款：匙柄、牛柳、牛駝峰、牛朴肉、脖仁。個人係咁多款之中，
於是係侍應嘅推薦加朋友嘅提議下，我地柯打咗一個鴛鴦酸菜牛骨湯，另外追加一啲牛肉同火鍋料。酸菜駕到時真係好大陣味，可見十分足料；而牛骨湯都唔簡單，份量足，味道濃郁。係等待煮湯嘅期間，行咗去混醬，醬料擺放咗係店後方，可見款式都幾多，岩哂重口味人士！順帶一題，不論你混唔混醬，每位人頭收HKD10咖。
另外都有樣有趣嘅Point，餐廳話佢地有個特別承諾就係「20分鐘內，食物必到，否則此餐免費」，於是侍應就放低咗個沙漏係到。係講緊笑要唔要出貓嘅時候，食物真係BaBa聲咁好快到，果然唔係講玩。滿枱都係牛，考慮緊點分別邊款打邊款，餐廳真係好了解食客嘅麻煩之處，所以每碟都印有一張出菜單，咁就對自己食咗啲乜都一目了然啦！
牛朴肉
$48
23 瀏覽
0 讚好
0 留言
講番先，牛肉方面我地柯打咗共五款：匙柄、牛柳、牛駝峰、牛朴肉、脖仁。個人係咁多款之中，最為喜歡嘅係牛朴肉，因為肉同脂肪比較平均，口感上似雪花肥牛。但朋友比較喜歡牛柳，肉感重脂肪無咁多，所以無咁溜，但我覺得牛味偏重。而脖仁、匙柄同牛駝峰都係侍應們推薦，皆頗有嚼勁且重肉香，入口感想係「非常肉感」。以上得出結論係，講係唔會理解，要試過先知，每個人嘅喜好都唔同。但重要嘅野要講幾次：我鐘意牛朴肉。
當然食咁多肉，絕對唔少得叫下其他嘅火鍋料試試，於是仲柯打咗稻庭烏冬、娃娃菜同牛肉餃，咁就唔怕會太熱氣同食唔飽了。牛肉餃分別有六舊，包餃嘅皮滑，但留意番放太耐唔煮會有啲痴碟底，而牛肉餡包得非常飽滿，而且味道調得剛剛好，不俗。
總結，我未食勻大部份肉，連我最想食嘅封門柳當日竟然售罄！怨婦一樣嘅我絕對會再試埋。其實都仲有非常多嘅選擇，所以識食牛肉嘅朋友絕對要試試，再介紹我。我記得除咗元朗店之外，仲有其他地區分店，咁就可以約埋唔同區嘅朋友去食封門柳啦！
張貼
