影片
更多
2015-07-17
1202 瀏覽
今日行咗落去WK廣場，發現開咗間新Cafe，咁啱同朋友又行到累啦，所以就決定坐下休息下！呢度除咗一般有奶類嘅咖啡外，仲有唔同嘅沖煮方式同唔同產地嘅豆可以選擇。仲有甜品同小食。今日就有呢2款咖啡豆可以選擇！每張枱都放咗咖啡生豆；落咗order之後會俾個牌你，之後侍應會將食物及飲品送過來，這個牌背後寫咗cafe的理念！炸薯條很香脆，而已都好大條！再配松露蛋黃醬，很香松露嘅香味，而有帶少少酸酸地感覺幾好！這個是Chemex pour over嘅Guji，清甜、口感香滑，帶有果香味道！這個是aeropress沖的Guatemala，body較厚、有梅子的感覺，比另一款咖啡酸度高。
題外話/補充資料：
另外，還有小插曲！如果細心看，應該可以看見我的相片中其中一個咖啡壼口有裂痕。於是我就同個侍應講個咖啡壼有裂痕，點知佢嘅回應係：〝我知道唔係你整爛嘅，放心我哋之前已經知道！〞佢好似唔係好明白我係担心會有玻璃碎咁！之後我問唔會有問題咩？佢竟然答：〝冇問題！個壼嘅玻璃係双層！〞我見佢嘅態度全完覺得冇問題，而且亦冇換過俾我嘅意思。佢回答嘅態度好友善，而且又好誠懇咁覺得唔會有事，咁我唯有算啦！不過我就飲得好唔安心囉！點知隔咗一陣又發生咗另一件事，不過今之唔係我身上！
隔離枱叫咗個意粉，應該係比較多汁嘅，可能係白酒蜆肉意粉之類，點知傳菜個侍應唔小心咁倒咗d汁落地，而且連佢隻手都有，我相信佢係知情嘅，因為我見佢有望下自己隻手再望個地下，而且倒咗落地嘅汁都唔少，唔係一兩滳咁簡單，而係一灘水咁！我以為佢上完菜之後會清理返啦，點知我見佢行咗幾轉都唔見清理嘅意思，最後係由另一張枱嘅客人出聲才清理！兩件事雖然唔係同一個侍應，但處理手法實在有點奇怪！
(以上食評乃用戶個人意見 , 並不代表OpenRice之觀點。)
張貼
